У 2023/2024 навучальным годзе ў дзяржаўнай установе адукацыі "Сярэдняя школа 38" працягваецца работа па пашырэнні сферы выкарыстання беларускай мовы і беларускай літаратуры.
Традыцыйна кожны чацвер праводзяцца разнастайныя па форме і змесце мерапрыемствы на роднай мове з удзелам вучняў, настаўнікаў і бацькоў. Сёлета мы працягваем гэту традыцыю. 7 верасня ў 6 "Б" класе была праведзена пазнавальная гульня ”Залацінкі народнай мудрасці”. Вучні складалі прыказкі, падбіралі рускія адпаведнікі да слоў з беларускай мовы, адгадвалі загадкі, задавалі загадкі вучням другіх класаў, настаўнікам, бацькам. Пазнавальная гульня дала магчымасць вучням дакрануцца да залацінак народнай мудрасці, папоўніць слоўнікавы запас россыпамі народных выказванняў. Мерапрыемства ажывіла і разнастаіла школьнае жыццё.
Настаўнік. Глушакова Н. А.
Мы в соцсетях & RSS